FO NOUT PÉI I TRAVAY ÈK BANN PÉI LOSÉAN INDIEN

Po konèt : Zartik té finé difizé dopi avan dosi lansien sit Démaliz astèr artrouv dosi nouvo sit zournal démaliz mé lé touzour dan tan...

Si lékonomi nout péi i avans pi, sé akoz nou lé anmaré èk lafrans é nou pé pa dan lo sistèm politik lé anplas désid nout prop dévlopman ou kosa lé bon po nou pé pa travay èk bann péi loséan indien pars lafrans i vé pa èk zot bann règloman lwa lérop i fé ke bann marshandiz dan la zone lé difisil po rantré lo bann pri kan i inport sikoté lérop ka i ariv isi lé shèr, alor zot i wa tout lé fé po touf anou dan zot sistèm politik kolonial séposa bonpé rénioné i ariv pi obout lavi i dovyin pli shèr é sak néna bonpé é diplomé i ansort azot lé zot sé toultan fé lo mandian la fine ariv zordi fé in list komision kosa domoun maléré i dwa manzé. 

Séposa Démaliz i di dan bann kozé sé Lérop la po tié anou é la kriz linflasion bana la invanté po mié komand anou é létan rouv nout zié po travay èk bann péi zalantour nou. Larénion wa giny travay èk bann péi Loséan Indien kan sra indépandan. An atandan bwar dolo kolonial...

Po konèt : Kopiaz roprodiksion intèrdi. 

Si zot i ropran lartik po fé konèt oubli pa di ousa i sort I kont si zot.

Rédaksion Zournal Démaliz 

Kisa ilé Zournal Démaliz

LÉ ÈK KONTANTMAN I ROSWA AZOT DOSI ZOURNAL DÉMALIZ

Zournal Démaliz Média Péi Larénion Kontkolonial.

Po fé prann konsians, dan in not manirwar lavnir Larénion kiswa politik, kiltirèl é dot zafèr lavi toulézour é andéor. 

Zournal Démaliz  po dénons bann kolonialis rénioné é sat isort andéor i fé tout po anpès rénioné pran anmin zot péi.

Zournal Démaliz i di tout kréol rénioné lé fatigé èk sistèm-là organiz azot partou ousa zot ilé po sobat kont bann kolonialis-là.

Zournal Démaliz lapa in mouvman politik mé néna son vizion politik po Larénion é i soutien tout organizasion i sobat kont kolonialis (fo pa zot lé rasis, fasis, zénofob, i dénig domoun, zèstrémis tou bor, bann kozman an grinn na poin zot plas tèrla.).

Zournal Démaliz in zournal po bann kréolèr é tout sat i yème nout lang kréol rénioné.

Pokosa lé ékri an Kréol Rénioné ?

Zournal Démaliz lé ékri aryink an kréol pars lé nout Lang Nasional.

Lé nout lang matèrnèl dopi tan ti nou koz ali dan vant nout moman la bézwin nou kontinié fé avans nout lang lé in landrwa po tout sat i yinm lo kréol rénioné ou sinonsa i vé dékouvèr wi anou osi lé kab donn nouvèl an kréol, na in pé i di fo ékri an fransé an anglé i pèrmé tout domoun konpran kosa néna po di, tèrla i désid ékri an kréol mé la pa fèrmé si lé zot lang.

Bin po tout sat i vyin tèrla po sèy koprann lir kréol, po dékouvèr, po louké ou i fatig zot lèspri Zournal Démaliz lé kontan roswa azot.

Po sat i konpran pa :

Konm néna désertin lé kont la lang kréol i vyin dosi lo blog Zournal Démaliz i konpran pa akoz i ékri an kréol on diré i fatig zot lèspri po lir kréol si fatig azot i obliz pa zot pas zot somin zot lé lib swazi, mé obliz pa é di i fo ékri an fransé pli fasil po zot lir é po avwar plis vizitèr, oubli pa sa lo kréol la bézwin èt rèspèkté osi dan tout son kalité lé in lang konm tout bann lang dosi latèr.

Po lo grafi Zournal Démaliz i ansèrv grafi lékritir 77 / 83

Zournal Démaliz lé kosté èk lo pèp, lé imanis, lé laïk, lé démokratik, lé kontkolonial, lé kont tout kalité 974, lé kont tousat na lèspri figaro.

Po konèt : tèrla lé kont bann kozman difamatoir, rasis, zénofob…

Po konèt

Zournal Démaliz tout bann nouvèl dosi blog-là

Kosa néna dosi Zournal Démaliz

Zinformasion tout kalité

Kozman po bann domoun i ansèrv Zournal Démaliz dosi intèrnèt

Nou ankouraz azot koz èk nou alor larg zot bann kozé dosi nout Blog

Nou invit azot dann zot bann kozé lo rèspé

Dosi Blog-là lé intèrdi

- Koz an grinn

- Atak domoun

- Bann mésaz malprop kont lorizine lo moun i sort ou rolizié

- Réklam, é difizion zinformasion komèrsial

- Bann manirwar na pwin sans

- Bann mésaz na pwin sans

- Bann komantèr ou abiz bonpé, i zir domoun, rasis, foto insolan é sat lé kondané par la lwa

- Bann kontak pèrsonèl

Zournal Démaliz wa lir zot bann mésaz lo pli souvan posib. Alor pa bézwin awar pèr di si bann kozman i rèspèk pa lo règloman-lwa lo blog zournal Démaliz.

Kan zot i larg zot bann kozé fé ali dan lo rèspé.

Zot lé rèsponsab zot bann kozé, bann foto, é vidéo zot i mèt si lo Blog Zournal Démaliz.

Zournal Démaliz na lo drwa siprim tout bann zinfo é zoutiy i rèspèk pa son manir travay.

Bann kozman largé dosi lo Blog lé pa lo manirwar Zournal Démaliz.

Lé lo moun la difizé lé rèsponsab sat li la ékri.

Sat i kont fé

Po done nouvèl, po fé prann konsians, po dénonsé...

Kosa néna

Po done nouvèl kiswa si lo malizé nout péi dan son bèzman toulézour é osi sat lé gayar dan tout son kontour dan in not manirwar lo bann nouvèl é andéor osi. Tyinbo ansanm po rès kalé.

Bann kozé si Blog-là lé vré vwa déranz inndé pars lapa abityé antann bann kozmandir, kozman vérité dan nout péi Larénion. Mé fo nou arèt kasièt é anval aryink lo sikré èk la pansé inik nou lé dodan zordi.

Zournal Démaliz lé in paz fé sanm militan Larénion  po fé konèt bann nouvèl partou dosi latèr dan son manirwar laktialité.

Kosa i vé di Démaliz : armèt dobout, drwat konmkifo, démaliz nout vi po in domin pli gadianm, sobat kont mové trasaz nout péi lé dodan zordi.

Blog an Lang kréol Rénioné

Paz Fasbouk Zournal Démaliz : https://www.facebook.com/people/Zournal-D%C3%A9maliz/61581196884534/

Blog Zournal Démaliz : https://zournaldemaliz.blogspot.com/

BON KOUDZIÉ DOSI ZOURNAL DÉMALIZ...

* Tout roprodiksion, kopiaz lé intèrdi fo domandé avan.

Rédaksion Zournal Démaliz 

KOMAN NIRBOU ARIVÉ

Po konèt : Zartik té finé difizé dopi avan dosi lansien sit Démaliz astèr artrouv dosi nouvo sit Zournal Démaliz mé lé touzour dan tan...

Gardbien koman lo kolonialis fransé la anmar nout péi komansman lo pèpléman Larénion zot la mèt anplas lèsklavaz, apré langazis, anvoy rénioné andéor, apré larzan lasistana po pa bann domoun i bouz, apré bann kontra san landomin po lapé sosial tout la politik lo kolonialis sé anblouz in nasion okipé po pa li pran anmin son destin politik é tousala avèk konplisité son bann valé é bann kanal zinfo kolonial zot la mèt anplas pwindvizé fé in lavaz lo koko tèt bann rénioné po zot fé zot dominasion é lèsplwatasion in pèp. 

Alor koman lité kontsa, lé vré lapa fasil èk in roulo konprésèr komsa mé inn sékat si nou ariv prann konsians nou lé kapab anminn in rapor fors po kapot zot sistèm, pars dan tout sistèm néna in fay po nirbou ariv-là anou astèr war kosa nou vé rès anmaré èk lafrans ou kas in kou podvré la shène kolonial po ropran lo flanbo bann maron la lès po nou kontinié nout libérasion po in vré libèrté. 

Po konèt : Kopiaz roprodiksion intèrdi. 

Si zot i ropran lartik po fé konèt oubli pa di ousa i sort i kont si zot.

Rédaksion Zournal Démaliz

FO ROPRANN NOUT LÈSPAS SA LÉ ANOU

Po konèt : Zartik té finé difizé dopi avan dosi lansien sit Démaliz astèr artrouv dosi nouvo sit Zournal Démaliz mé lé touzour dan tan...

Sé pa fo nou ranfèrm anou si nou minm, mé forstan nou la lès bann kolonialis akapar nout péi i fé zordi zot la fine mèt la min dosi tout zafèr dan nout péi é avèk konplisité bann rénioné vandèrki ke la favoriz zot lantré isi, gard zot minm zordi nout bordmèr, la mèr, la ravine, la rivièr, lé zèr, la montane tout lo bann zaktivité touristik é plézir lamizman lé dan la min domoun i sort andéor forstan rénioné la pi fé in kont avèk zot péi, bana la mèt lo grapin dosi mé lé vré po zot lé pli fasil giny lotorizasion pars kan sé lo rénioné i domand i fé tout po intèrdi é dékouraz ali i fo di osi kan zot i débark zot néna déza la konésans lo bann pratik so bann zaktivité-là. So bann pratik bann zaktivité zot la mèt anplas sra sat néna mwayin wa giny fé pars aou ti kolon bitasion, travayèr batiman ou poura zamé fé ou anvoy out marmay pars na pwin lé oblizé ral si gongon la mizèr. 

Akoz bann sat i diriz nout péi i mèt pa anplas in formasion po form bann rénioné isi apré po pran anmin so bann zaktivité touristik é plézir lamizman dan in bon lorganizasion anméné par bann rénioné isi po prann sa an min noré pi fénésans bann vré travay é arèt domann souplé bann Mèr ti kontra la mizèr. 

Oté Rénioné létan roprann anou anmin po diriz nout péi po roprann nout lèspas i apartien anou é giny travay dan nout péi.

Po konèt : Kopiaz roprodiksion intèrdi. 

Si zot i ropran lartik po fé konèt oubli pa di ousa i sort i kont si zot.

Rédaksion Zournal Démaliz