FO DÉMALIZÉ NOUT PÉI

PO KONÈT : ZARTIK TÉ FINE DIFIZÉ DOPI AVAN DOSI LANSIEN SIT DÉMALIZ ASTÈR ARTROUV DOSI NOUVO SIT ZOURNAL DÉMALIZ MÉ LÉ TOUZOUR DAN TAN É ROMI AZOUR...

Azordi si nout péi lé dodan in grav kriz sosial, toulézour i antan dan bann média mantèr lo bann politikèr départmantèr tout bor, i akiz in na lot si lo malizé lo péi, fo arèt in kou é mantir lo pèp rénioné tout lo bann kan politikèr départmantalis lé lotèr lo malèr sosial lo péi, avèk in sistèm ke lé anplas ousa i done pi lavnir bann rénioné zot i prèfèr kontinié anfons lo pèp dan la mizèr. 

Non létan fini èk lo sistèm dominatèr départmantalis ke lé an fin vi ousa i giny pi tir Larénion dan son grav kriz sosial. 

Sat Larénion la bézwin sé in not prozé dévlopman dan in not sistèm de gouvèrnans ousa i done lo pèp rénioné tout sa plas po prann an min tout son destin é artrouv son dinité dan in vré travay é fini èk la mandisité dan la dépandans, wi lé posib si tout bann rénioné na anvi évolié, lapa pèr avansé dan in not modèl de dévlopman po démalizé nout péi. 

Pars avèk lo bann politikèr départmantalis lé anplas zordi yèr kome avan lé rèsponsab lo pli gran kriz sosial ke nout péi lé dodan zordi.

Po konèt : Kopiaz roprodiksion intèrdi. 

Si zot i ropran lartik po fé konèt oubli pa di ousa i sort  i kont si zot.

Paz Facebook Zournal Démaliz : https://www.facebook.com/people/Zournal-D%C3%A9maliz/61581196884534/

Rédaksion Zournal Démaliz