PO KONÈT : ZARTIK TÉ FINE DIFIZÉ DOPI AVAN DOSI LANSIEN SIT DÉMALIZ ASTÈR ARTROUV DOSI NOUVO SIT ZOURNAL DÉMALIZ MÉ LÉ TOUZOUR DAN TAN...
Dopi la mèt anplas la moné léro dan nout péi, sa la tié lo port moné domoun, i fé ke la vi la ni pli sèr parapor avan. Pars kan la baskil lo fran an Léro tout la otmanté in konparézon avan té pèy in pin zanviron 1 fran koméla la èk léro ou pèy zanviron 1€ i fé kan la baskilé la pa fé in suivi èk lo bann komèrsan é zindistriyèl, po ke lo bann pri i rès apépré parèy lo fran, astèr nou wa lo konsékans la mèt lo port moné domoun an difilkilté é pi lapa inform domoun lo konsékans la moné Léro, nora si nout port moné la di sa minm lé bon, la moné léro lé tro for po nou isi Larénion i fo po nou in moné pa tro for par rapor nout sitiasion zéografik, sa i poura mèt anplas kan lo zour Larénion sra lib ékonomikman é politikman.
Zot minm i wa avèk léro bann péi i fé parti Linion éropéinn lapo pèrd lèr dan zot lékonomi néna minm anparmi lé manm ‘’L’UE’’ la komans po azot kèsksion si fo artourn dan zot moné nasional ?
Po konèt : Kopiaz roprodiksion intèrdi.
Si zot i ropran lartik po fé konèt oubli pa di ousa i sort i kont si zot.
Paz Facebook Zournal Démaliz : https://www.facebook.com/people/Zournal-D%C3%A9maliz/61581196884534/
Rédaksion Zournal Démaliz
