LATÈR LARÉNION LÉ POLIÉ ÈK PRODUI SIMIK

PO KONÈT : ZARTIK TÉ FINE DIFIZÉ DOPI AVAN DOSI LANSIEN SIT DÉMALIZ ASTÈR ARTROUV DOSI NOUVO SIT ZOURNAL DÉMALIZ MÉ LÉ TOUZOUR DAN TAN...

Lo andsou latèr nout péi lé polié èk bann zangré ansèrvi dan bitasion osi bann zardin domoun i mèt an danzé lo bann rézèrv dolo dou konsomé par bann domoun èské bann zorganism i okip sa i inform anou powar si dolo lapa kontaminé, so bann produi simik i sava osi dan la mèr i mèt an danzé léko sistèm marine. Lé bitasion kane i ansèrv plis bann produi simik kom langré, dézèrban… Kan ou koné na lontan i plant kane i dwa awar in gro déga si bann rézèrv dolo andsou latèr po linstan na pwin zétid sèryé té fé dosi là po fé konèt nout popilasion si lo bann dolo lé polié.

Po konèt : Kopiaz roprodiksion intèrdi. 

Si zot i ropran lartik po fé konèt oubli pa di ousa i sort  i kont si zot.

Rédaksion Zournal Démaliz

KÈL DÉMOKRASI ?

PO KONÈT : ZARTIK TÉ FINE DIFIZÉ DOPI AVAN DOSI LANSIEN SIT DÉMALIZ ASTÈR ARTROUV DOSI NOUVO SIT ZOURNAL DÉMALIZ MÉ LÉ TOUZOUR DAN TAN...

Tout bann média i difiz dan nout péi kiswa télé, radio, zournal lé dan la min bann domoun i défann lo sistèm kolonialis fransé ousa zot i kontinié défann é antrotien in sistèm ke i anpès nout péi avansé dan in péi lib. Dosi bann kanal zinfo néna aryink lo sikré ou nora zamé in kozman po dénons lo méfé lo kolonialis tout lé dodan in pansé inik. 

Si lo rénioné an rézistans kont kolonialis i vé di la vérité na pwin lo drwa la parol tansion i dénons zot sistèm kolonialis fransé, pli grav ankor tout sat i fé lo kalité nout nasion kiswa nout Lang Kréol, listwar nout péi, nout lidantité lé bordé. 

Koman ou vé ke lo rénioné wa rouv son zié po in zour pran son péi anmin, na okin kanal zinfo anti-kolonialis na lotorizasion difizé po giny sobat kont lo pouwar anplas, apré zot i mank pa toupé di lafrans lé in péi démokratik, i défann lo drwa domoun. 

Ala koman lo kolonialis fransé èk bann konplisité inndé rénioné kolonizé é kont nasion i malol lo zié lo pèp rénioné.

Po konèt : Kopiaz roprodiksion intèrdi. 

Si zot i ropran lartik po fé konèt oubli pa di ousa i sort  i kont si zot.

Paz Facebook Zournal Démaliz : https://www.facebook.com/people/Zournal-D%C3%A9maliz/61581196884534/

Rédaksion Zournal Démaliz